夏日點止白

白球鞋是呢兩季必備,是買黎看門口的不死items,但正所謂物極必反,市面充斥白球鞋換來就是七彩花巧的系列隆重登場。
除了受一眾女性們追捧的粉色或幻彩mix,比彩虹更多色彩既拼色組合都加入戰團。
將夏天total look 變得活力又繽紛。

好以為拼色難襯衫,反而多色變得更有character,一身全黑或tone on tone 打扮加彩色球鞋便是我近期最愛的開工look。而首選我都係鍾情 Saucony出品,呢對跟
美國邁阿密潮流店舖Shoe Gallery合作的別注版波鞋。以邁阿密海灘最著名的滑浪活動為設計基礎。靈感源自80’s至90’s年度著名復古滑浪品牌Ocean Pacific,T&C,Body Glove 等滑浪板的搶眼奪目配色,經典Grid 9000鞋款仲注入熒光色調。

image

image

image

image

超軟身牛皮及Grid cushioning包裹保護雙腳,真係著佢hit the beach 都無問題呀!
呀!原來有出男女款,可以情侶裝啊~$990 CPU 有售。

運動衫便服化

 以為人人都愛穿運動衫?其實大家都係鍾意著便服。呢幾年運動品牌熱賣毫無疑問係因為運動衫便服化。真正用來做專業運動的衣飾品牌價格並不相宜,不是大眾能捨得花錢購買用作平時運動穿著,所以在品牌效應下, 就連high street fashion 都加入運動服戰團,先有Zara 剛推出的女運動裝系列,走簡約路線,好明顯是仿效高級品牌設計的方向。而 Zara 既姊妹品牌手Bershja 都推出男連動裝,指著種運動衫的功能與時尚度,呢個品牌去年己推女運動裝,款或都偏歐美風,式樣尚算吸引,不過好穿與否還是有待確認。

Zara 最新女運動裝:   
    
    
 
Bershka    最新男運動裝:

 
   

 

  
  

 
   
    
 

慈善花裙

 

alice + olivia 既裙款,不論是 ready to wear 抑或晚裝都是不少女星與少女們的心水, 款式可穿性高得來亦保持著細膩的手工,是近年發展得不錯的美國品牌。今次與 Christina Noble Children’s Foundation 合辦慈善活動,幫助貧困的越南和蒙古兒童,一定要支持下。
Christina Noble Children’s Foundation (CNCF)其實主力幫助貧苦兒童,透過教育、醫療、社交機會以及就業輔助等多元化項目,讓每個兒童均有機會發展潛能,愛護及尊重兒童的個性。

早前貴賓特別購物晚會,即場有畫家繪畫穿上alice +olivia 花瓣晚裝的水彩人像畫,自己的頭像用真花拼貼成的華麗裙款,非常吸睛。而畫作購物晚會的部分收益將撥捐CNCF。特別設計的alice + olivia x Votivo 香氛蠟燭將在香港和澳門的alice + olivia專門店有售。進一步幫助CNCF 達成使命 ,四月八日舉行的Ladies Long Lunch,屆時品牌將捐出一襲晚裝拍賣,來賓可競投品牌捐贈的經典晚裝,為CNCF 籌款出一分力。

2016 春夏系列(網上圖)

Alice_and_Olivia_spring_summer_2016_collection_New_York_Fashion_Week2ee232a9809fe913Alice-Olivia-spring-2016-fashion-show-4xalice-and-olivia-spring-2016-rtw-new-york-007Alice-Olivia-spring-2016-fashion-show-2x

 早前貴賓特別購物晚會,即場有畫家繪畫穿上alice +olivia 花瓣晚裝的水彩人像畫,自己的頭像用真花拼貼成的華麗裙款,非常吸睛。

 

這個slideshow需要JavaScript。

少女新春裝

6IXTY8IGHT 一向是大眾少女們開心買野,唔開心都買野既散心行街時裝店。係西九龍中心坐陣令商場增加了不少活力氣息。特別是春季的 Wonderland 與 denim 系列,個人認為真係見到件件都想放入 shopping bag。

騎上魔法獨角獸消失在星際裡,又讓你拖著可愛的寵物犬八哥細意漫步。寫住都覺得好好浪漫又帶少少活力,呢D圖案印花真係無得輸。牛仔布衣服配飾真係好實用,今季首選現代波希米亞風格,舒適易襯又不失時尚感,春季牛仔宜選靛藍色調和洗水效果為主,例如大理石紋染布、酸洗和漸變漂染,同時經磨損處理的牛仔布料亦為單品增添不少魅力。

bra_unnameddenom _unnamed 6IXTY8IGHT

西九龍中心

商店編號:302 & 303

樓層:3/F

電話號碼:2523 0369

Hotdog Shoes ~

Chicago dog_all Chicago dog_mustad Chicago dog_onion Chicago dog_sausage

美國 Saucony Jazz OriginalEVA厚鞋底穿著舒適,鞋身貼腳腳底又軟,著住行足全日都唔覺累 ~本人早前己入手全灰色,冬裝用來 mix &match 都好百搭。品牌係香港不算最 HIT,但係韓國和美國就好愛歡迎。無他,款式簡約易襯,而且 流行的運動風格興左幾季都毫無退減跡像,波鞋基本買來是旁身用。所以話今次推出以美國流行 fast food 速食文化為題的運動便鞋,芝加哥熱狗般配色都算大膽,即係有齊洋蔥白、香腸紅及芥辣黃,聽落浮誇,實物又真係可以襯到 high street wear !唔錯 !

Lane Crawford

尖沙咀廣東道3號

只有女裝 $550 21/3 開始有售

Come on ~baby 

繼前年有幸第一次出席雷霆猛男場show , 今年佢地終於返黎香港,係四月會展再開show!

  嘩!weekend 前一晚,我依加突然係到回味緊場show !我以嘉賓身分坐最前幾排,原本決定用觀察方式欣賞來自澳洲的性感猛男組合 THUNDER FROM DOWN UNDER ,因為當時心入面戰戰兢兢,害怕他們的雄性汗水遠灑我臉。或者跑前來用他們充滿汗的軀體熊抱我,仲有…….真係好多幻想!
到開場一刻,中女認真便輸了!入場睇show 既人,大部分gender 係女性既都盛裝出席,個個有備而戰。她們的尖叫與主動令全場氣氛更高漲,無論台上既猛男玩 cosplay 做渠王、做消防或者跳脫衣舞,或者衝落台愛的抱抱,甚至引你台上表演 sex position ,大家都興奮無比,落力進擊。呀~其實睇show 同食飯一樣,比錢食個氣氛。

 今年4月3日會展開飯!「雷霆猛男Show 2016 」 

 
  
    
 
 

 預演 :西九龍中心有港式猛男比賽吊一吊胃口。你睇,幾醒胃!

   
    
    
    
 

THUNDER FROM DOWN UNDER :現時澳洲最炙手可熱的表演團體,於拉斯維加斯已有超過 700 萬人欣賞過他們的節目。THUNDER FROM DOWN UNDER 曾於多個電視節目中演出,更獲選為 AOL 城市指南 2006 年和 2007 年最佳成人景點,及拉斯維加斯評論雜誌的 2006 年和 2007 年最佳男表演團體。

半永久小紋身

紋身貼紙點止係潮流玩意,千變萬化既圖案和風格,其實己被70、80和90後視為 fashion accessories 之一。 可惜佢可能一次性被K O 譬如經常做運動既我只可當佢係1 day 隱形眼鏡咁用,因為汗水只會將它徹底地快速摧毀破,若想把它時常以完美狀態展現人前,實在有點難度。
   貪「心」怕死既我又未會打算做永久紋身,因為自己算是極端主義者,譬如對自己主張 all or nothing , 相信我未來下定決心後,身體將會出現一系列令自己驕傲的藝術作品。
   但行樂要及時,近日係香港被我發現有走韓風和偽文青風格的半永久紋身,半永久意思係圖案大概keep 到 1-2 年,之後可以要補色留住圖案,或者就讓它一切隨時間而消逝,亦可決定轉紋身玩新款,概念就如繡眉和半永久眼線差不多,不過款式呢就偏簡單,例如圖案、字母等都相當適合時下的 fashion trend , 大概港幣$500 有找,碧姬就認為好抵試啦 !用黎呃like 吧!  *網上圖片

日本始動

過完農曆新年,一輪中式菜、糕點、甜品真係日日食足一星期,係時候食返日本野刺激下味蕾,令個胃口轉轉,眼光又轉轉,不如係係西九龍中心打個轉,發掘日本鹿兒島的新角度。要了解一個地方,先從味和嗅覺開始, 鹿兒島出名的燒酒飲後會幾慾火焚身?當中又少不了當地出產的「名物」任買。買完就可以野生捕獲鹿兒島吉祥物 Greboo ,綠色小豬可愛爆燈,即時上載到Facebook 比人like 爆!  

如果勁好日潮流、Seven Color 一定識,加埋日藉stylist 即場玩造型大變身,最新春季日本look 即席送上,個日我都要去偷下師先。
L I LOVE KAGOSHIMA 美食及文化節日期: 2月27日 – 28日

提提你,記得上埋蘋果商場食埋隱家既沾麵,真。滿戴而歸。

  

Be a gentle star

   
    

 韓國的眼鏡品牌GENTLE MONSTER大玩創意及藝術氣質的設計,擺明終話比你知設計玩「空間」、「造型」、「文化重塑」及「科技」作為設計美學,所以款夠標奇立異顏色大膽,自然在韓流當道的明星效應下變得炙手可熱,紅到歐洲Miranda Kerr 都戴,食埋OL 條水。韓國星級用家有天團BIGBANG 的G-Dragon及T.O.P、李敏稿、全智賢、金宇彬、李鐘碩、孔孝真、尹恩惠等 、個個都好top !依加香港Glasstique 有得買,價位$1500-2000 算公道,要夠韓真係必戴呀! 

   
    
    
 

Eva 向內出擊

   
   
去年9月Eva 『新世紀福音戰士』 推出既泳衣真係一絕,連唔係粉絲既我都覺好厲害,呢款連身泳衣絕對蝦人著,一次過出曬綾波麗、碇真嗣、明日香款,擺明只是用來收藏,睇下以下圖片就知道幾難著。

   
    
   

今年新世紀福音戰 播足第20周年, BANDAI與日本PEACH JOHN合力打造六款『新世紀福音戰士』聯名內衣及家居服系列—「PEACH JOHN×EVANGELION」,2月10日起在萬代官方網站PREMIUM BANDAI (http://p-bandai.hk/)接受公開訂購,暫定3月上旬發送。
 
整個系列6款商品,包括三款內衣、兩款喱士睡裙和一款連身家居服。

   

  

    
    
 

  

  
一式五款的「EVA Model Lacy Bra Set」蕾絲內衣系列套裝以五個主要角色的代表為主調,兩款「EVA Lacy Dress」系列喱士睡裙以綾波零和明日香為主題,「EVA Doll Set」系列睡裙套裝把校服特色融入娃娃裝設計。連身毛茸茸家居服「EVA Pen Pen All-in-one Set」讓你穿上後好可愛,搖身一變成為人氣角色「Pen Pen」。今個聯乘真係比較實用,買得過,但因為太過熱烈,訂到與否睇彩數了! 

「PEACH JOHN×EVANGELION」預訂網址:http://goo.gl/fmJpES